Berbih ki riewsniew ban pynïap ïa ki dohkha bala sumar ka JF&EPA

Syllad | The Rising MeghalayaJanuary 19, 2020

JOWAI: Ki riewsniew kiba ym lah ban ïohkem kila ber bih ban pynïap dusmon ïa ki dohkha kiba sumar bad ri kyrpang da ka Jaiñtia Fishing and Environment Protection Association (JFEPA), Jowai haka bynta jong ka wah Myntdu kaba la tip kum ka Mutong khian.

U ma Lamwan Paswet uba long u President jong kane ka seng kaba la shimkhia ban pynneh ïaki dohkha dohpnat khamtam haka Syntu Ksiar kaba long ka fish sanctuary, ula ong ba mar sien ïoh jingtip ïakane ka jingjia ula leit ban khmih dalade hi bad la lap ba ki don ki dohkha kiba la ïap kiba dang per ha sla um. Imat ki nongleh kam sniew kila leh ïa kane ka kam haka por miet bad lum ïaki dohkha bad haba ula leit sha kane ka jaka ula ïoh lum satang katto katne ki dohkha kiba la ïap.

U ma Paswet ula ong ruh ba kaba sngewsih ka long ba ki dohkha kiba shahktah bha na kane ka jingpynïap dusmon ki dei chocolate mahseer ne ki dohkha tynrai kiba dei ki dohkha kiba kyrpang jong kane ka thaiñ bad kiba don haka thup jong ki mrad kiba la jan duh jait.

U ma Paswet ula ong ba naka liang jong ka seng kala maham tyngeh bad lada lap ïa kine ki nongleh kam sniew, ym pynshitom ïaki katkum ka aiñ bad ha kajuh ka por u kyrpad ïa ka jingïatreilang jong ki paidbah baroh ban ïarap khnang ba yn lap ïa ki riewsniew kiba pynjot ïa ki dohum dohpnat. Hakajuh ka por ula kyntu ruh ïa ki nongshong shnong jong ka nongbah Jowai bad ki shnong ba markhap ban ïatreilang bad ka seng khnang ban lah ban pynneh pynsah ïaki dohkha kiba don ha ki wah bad khamtam haka fish sanctuary kaba don haka bynta jong ka Syntu Ksiar jong ka wah Myntdu.