Bishar kam u Myntri Sports ha Jowai, yn plie lad iaki ba duna haka bor met haka Meghalaya Games

Syllad | The Rising MeghalayaSeptember 17, 2024

U Myntri ka tnad Sport & Youths Affairs Bah Shakliar Warjri haka 16 tarik Nailur ula wan hiar sha Jowai ban bishar kam ha kaba iadei bad ka jingpynkhreh iaka Meghalaya Games 2025 ha West Jaintia Hills.

Ha kane ka sngi la iadonlang u MLA ka Jowai u Wailadmiki Shylla, ki dkhot ka Meghalaya State Olympic Association, State Sports Council kumjuh ki ophisar na ki tnad treikam sorkar bapher ka District bad baroh kiba don bynta ha ka ban pynlong iaka Meghalaya Games ha Conference Hall ka Soil and Water Conservation, Jowai.

“Ka Meghalaya Games kadei ka rynsan ban kyntiew iaki khun samla ka jylla kiba don ka jingangnud ban kiew haka kam ialehkai. Ngi ngeit ba lyngba Meghalaya Games kan long ka jingiohnong iaki khun samla kiba don ka sap haka kam ialehkai sports,”la ong u Bah Warjri haba kren sha ki lad pathai khubor hadien ka jingialang.

U Myntri ula pyntip ruh ba haka jingialang la iakren ban pynrung ar ne lai tylli ki jait ialehkai haka Meghalaya Games 2025 na ka bynta kiba duna haka bor met namar ma ki ruh ki don iaka hok ban pyni iaka sap ka phong ialehkai.