Bit khlam Corona 5 ngut, pynngat micro containment 3 ïing ha Jowai

Syllad | The Rising MeghalayaSeptember 28, 2020

U District Magistrate, West Jaintia Hills, Garod LSN Dykes ula pynngat micro containment iaki lai tylli ki ïing hadien ba bit khlam Coronavirus sa 5 ngut ki briew ha sor Jowai.

Katkum ka hukum kaba la pynbna u District Magistor haka sngi Nyngkong, kine ki lai tylli ki iing ki kynthup iaka iing u Lamwan Pasweth, Heisuk Kyndiah and Pynhunlangki Toi kiba na ka shnong Iongpiah, Jowai.

La khang ban rung ban mih klumar ha kitei ki longiing naduh 28 tarik Nailur tad haduh bala pynbna da kumwei ban pyndep iaka contact tracing ban tem iaka jingpur ka khlam COVID-19.

Shuh shuh haka sngi Nyngkong ki don haduh 3 ngut kiba khlad na ka jingpang COVID-19 bad da kane ka jingiap na ka jingpang khlam COVID kala kiew sha ka 46 ngut ha Jylla, la ong u Myntri ka tnad ka Koit ka Khiah Bah Alexander Laloo Hek.

Ula ong ruh ba ha kine ki 24 kynta ki don 60 ngut kiba test COVID positive bad kiba bit khlam baroh ki don haduh 1,448 (Active cases) haka jylla. Haduh mynta 3,868 ngut ki nongpang kiba bit khlam COVID kila koit naka 5362 ngut.