Bit khlam COVID-19 lai ngut na Amlarem Sub Division

Syllad | The Rising MeghalayaJuly 22, 2020

Ka jingpang iabit khlam COVID-19 ha West Jaintia Hills District kala kiew sha ka 4 ngut hadien ba lai ngut kiwei pat kila ioh kem pang COVID-19 ha Amlarem Sub-Division.

U Lahkmen Rymbui, Myntri Sorkar uba long ruh u MLA ka thain ula pynbna ba ki don 3 ngut ki briew kiba la test COVID-19 positive hadien ba kila pyndep iaka Random Testing haka sngi Saitjain kaba taiew kaba la dep.

Na kine ki 3 ngut, ar ngut dei na ka Amlarem bad 1 na Amsarim. Iwei dei ba die sha, die doh syiar bad nong khapshniuh.

Iohkem pang COVID-19 sa 2 ngut ha Khliehriat, pynbna ‘Containment Area’ iaki 6 tylli ki shnong

U MLA ka thain ula kyntu iaki paidbah ban iatreilang bad ka tnad ka koit ka khiah bad u la ban jur ia u nongshong shnong ba kim dei ban tieng ban smiej iaka jingbit khlam, hynrei ban iatreilang bad ka bor sorkar ban jop iaka khlam.

Shuh shuh na kaliang u district magistor jong ka West Jaintia Hills District ula pynbna ‘Containment Zone’ ne ki jaka ba ma iaki hynniew tylli ki shnong hapoh Amlarem Sub Division bad la pyrkhing iaka jingrung jingmih ki briew ha kine ki shnong ban tem iaka jingpur ka khlam COVID-19.

Kine ki hynniew shnong ki kynthup iaka Amlarem, Krangpamtdong, Amsarim, Ladjaplem, Amshipai, Lai Lyngdoh bad Amlatdoh kiba la pyrkhing iaka jingrung jingmih ki briew ha kine ki shnong kalong naduh ka shiteng synia jong ka 22 tarik Naitung (July), 2020 haduh 6.00 AM jong ka 27 tarik July, 2020.

U Magistor ula pyngngat ia kine ki hynniew tylli ki shnong ha ka Containment Zones ban buddien iaki briew kiba la ia kynduh bad kine ki nongpang ban pyndkut iaka kynjri jingpur ka khlam COVID-19 haka district.

Kane ka hukum la pynmih da u district magistrate Garod LSN Dykes hadien ka jing rikomen ka tnad ka koit ka khiah.