Bit khlam COVID-19 u nongdie jhur pynbna ‘Containment Area’ iaka Ladrymbai baroh kawei

Syllad | The Rising MeghalayaAugust 1, 2020

Hadien ba la iabit jingpang khlam COVID-19 u nongdie jhur ha Ladrymbai, u District Magistrate jong ka East Jaintia Hills District Bah FM Dopth ula pynbna iaka Ladrymbai baroh kawei kum ka ‘Containment Area’ haka sngi Saitjain.

Ia kane ka hukum u District Magistrate ula pynmih namar ba une uba iabit khlam COVID-19 uba dei u nongdie jhur ula leit la wan na kawei ka district sha kawei pat kumjuh sha kiwei ki district ha kiwei ki jylla bad ka donkam kyrkieh ban buddien ia ki briew kiba u iakynduh ban leh iaki test katkum ki jingbthah jong ka tnad ka koit ka khiah ban pyndkut ia u kynjri jingpur ka khlam Coronavirus disease  

“Ka Health & Family Welfare Department, East Jaintia Hills District kala ai report bad don u briew uba la bit khlam COVID-19 ha Lad Rymbai uba dei u nongdie jhur bad ula iakynduh ia kiba bun ki briew ha kane ka jaka,” ong ka hukum u district magistrate.

Shuh shuh ka Joint committee jong ki saw dorbar shnong ha Lad Rymbai ne kaLad Rymbai Pyllun kala kyrpad iaka bor synshar district ban khangdam iaka Lad Rymbai baroh kawei ban ioh pynkhuid bad synreit dawai khniang ha ka jaka iew ban pyndkut iaka jingpur ka khlam.

U District Magistrate hava pyrtreikam iaka hukum Chief Secretary ka sorkar Jylla ula pynbna ia baroh ka Lad Rymbai kum ka containment area bad kane ka kynthup iaka Lad Rymbai- B, Lad Rymbai Datsimpein, Lad Rymbai Dongwah, Lad Rymbai Khliehdupon ban khanglad bad pyrkhing iaka leit ka wan ki paidbah bad nongshong shnong ha kine ki jaka bad ban bud ryntih iaki lad jingiada bala bthah da ka tnad ka koit ka khiah naduh ka shiteng synia 3 tari u Nailar (August), 2020 haduh 6:00 AM jong ka 7 tarik Nailar, 2020 khnang ban buddien ne contact tracing iaki briew kiba la tip kum ki high risk contacts bad low risk contacts.

Kane ka hukum kan treikam naduh 1 tarik Nailar (August), 2020 tad haduh bala pynbna da kuwei.

La khang pyrshah iaki briew ban iaid sha kine ki jaka ba don jingma bad ki nongshong shnong ruh kim bit ban mih na ki iing ki sem jong ki.

Ym shah ban pynlong kino kino ki prokram ne jingialang ia kino kino ki kynhun.

Baroh ki jingtreikam kynthup iaki jong shimet ki bank kiba don hapoh u pud u sam ak LAdrymbai kin khang khyrdep tad haduh bala pynbna da kuwei.