Bom shoh ki shipai BSF iaki 3 ngut bad pynpait iaki ar tylli ki kali ha Sonapyrdi

Syllad | The Rising MeghalayaApril 22, 2024

Ka Khasi Students’ Union East Jaintia Hills District Unit kala kynnoh ba ki shipai BSF kiba ap pahara ha Sonapyrdi la kynnoh ba kila khie wahleng bad bom shoh dusmon iaki briew bad pynjulor iaki kali haka 21 tarik Iaiong.

U General Secretary KSU East jaintia Hills District Unit, KS Suchiang, ula ong ba kane ka jingjia kala jia haka por 9 baje mynmiet, hynrei ym lah ban tip na kaei ka daw kine lai ngut ki briew kiba na Thangskai bad Lum Tongseng kila shah tied shah bom haduh ban da jem jai ha ki shipai BSF kiba ap pahara ha Sonapyrdi.

Nalor kata la kynnoh ba ki shipai BSF kila bom naphang iaki ar tylli ki kali haduh ban da julor phom ki iit na ka bynta ba shadien bad shakhmat. Kine ki kali ki dei ki Maruti  S-Presso.

Ka KSU halor kane ka jingjia kala pynrem jur iaki shipai BSF kiba la thombor ia ki briew ba lui lui nakapor shaka por, katba iaki khar Bangladesh kiba prong tuh bad leh ki kam bymman ba har rukom kim jong ioh kem.

Ka KSU kala pyntip ba kin lum jingialang haka 23 tarik Iaiong halor kane ka jingjia bad ki nongshong shnong ban shim iaka rai.