Bret ka kmie ia i khyllung ba dang kha

Syllad | The Rising MeghalayaJuly 6, 2024

Ki pulit jong ka Jylla ki la lap ïa ka met jong i khyllung ba dang kha ba shah bret ha surok shnong ka shnong Bakur Khliehshnong kaba hap hapoh Dawki Police Station, West Jaintia Hills District ha ka 2 tarik Naitung ha ka por 11:00 AM.

Ki pulit kim pat lah ban ithuh ïa kiba haïing hasem jong ine I khyllung iba dei I shynrang, kiba leh ia kane ka kam barieh ban kha ia i khyllung bad bret.

Ki pulit ki la pyntip ba la rejistar ïa ka mukotduma Dawki PS Case No. 12(7)2024 hapoh ka kyndon ain 94 Bharatiya Nyaya Sanhita (BNS), 2023 bad la buh ïa ka metiap ine i khyllung ha Ialong Civil Hospital hadien ba la pyndep ïa ka post mortem.

Ki pulit ki la pyntip ruh ba ki kmie ki kpa lane kiba haïing hasem jong ini i khyllung ban wan kam ïa ka met ba la iap da kaba phone ha kine ki number Dawki PS ha u number 9402303222/ 9862370673 lane JOWAI PCR ha u number 9774065467/03652220782.