Bret pathar iaki masi iap ha Rilum Jaiñtia

Syllad | The Rising MeghalayaDecember 2, 2019

KHLIEHRIAT: Ki nongkhaii masi bad nongkit masi bym lah satia ban ithuh kiba suba jur ba ki dei ki nongkhaïi masi beaiñ sha Bangladesh kila bret pathar iaki masi bala iap kat sha ba lap ba  shem ha shi lynter ka surok bah NH 6.

Ïa kane la lap haka taiew kaba la dep haka sngi Thohdieng na Lumshnong, East Jaiñtia Hills District bad ki masi katto katne kiba la pyut ha surok bah NH 6.

U nongialam ka Jaiñtia Student Movement (JSM) u Leningstar Rymbai ula ong ba dangshen kila dep ai ka jingujor sha ki DC bad SP jong ka East ba West Jaiñtia ban khanglad ïaka jingbret pathar ïaki masi bad kiwei ki mrad mreng kiba la iap kumjuh ia kane ka kam beaiñ, hynrei haduh mynta kam don kano kano ka jingshimhkhia ban khynra ïa kane ka kam beaiñ bad ki trok kit masi miet bad step ki ïaid khlem tieng ïaki bor jong ka aiñ.

Ula ong ka Jaiñtia Student’s Movement (JSM), Federation of Khasi Jaiñtia & Garo People (FKJGP) bad ka Khasi Students’ Union (KSU) kila pynrem jur ia kane ka kam beaiñ bad ka jingbret pathar ïaki masi bala iap naduh na Ribhoi bad West bad East Jaiñtia Hills.

Ula ong ba kane ka jingshalan masi tuh ka jur bha na rilum Jaiñtia kaba la wanrah ka jingkiew dor ka doh ha iew namar ka jingduna masi ban shoh  doh.

Ïa kine ki masi kiba la kit na Ri Bhoi bad Assam la pynhiar Umkiang bad Ratacherra bad kiwei kiwei ki jaka ha East Jaiñtia Hills bad ha West Jaiñtia Hill pat lyngba ka Amlarem, Pdengshakap bad Muktapur ban shalan tuh sha Bangladesh, ka ri kaba jur bha ka jingdawa masi.

“Ngi la dep ujor sha ki bor district, hynrei haduh mynta mynne kam don kano kano kano ka jingshimkhia ban tem ne khanglad ïaka jingshalan beaiñ iaki masi,” la ong u Leningstar bad la kyrpad ia ki bor synshar district jong ka East bad West Jaiñtia Hills District ban shimkhia ban tem ïa kane ka kam beaiñ.