Bteng biang ka jingkhang internet

Syllad | The Rising MeghalayaNovember 25, 2022

Ka sorkar Meghalaya kala bteng biang ban khang iaka internet sa 48 kynta ban tem iaka jingsaphriang ki khubor kiba lah ban ktah iaka shongsuk shongsain haki 7 district jong ka Jylla.

Kane ka jingkhang internet kan bteng sa 48 kynta, katta naduh ka ka por 10:30 AM jong ka 26 tarik Naiwieng ha ki 7 district kynthup iaka West Jaintia Hills, East Jaintia Hills, East Khasi Hills, Ri Bhoi, Eastern West Khasi Hills, West Khasi Hills bad South West Khasi Hills Districts.

Katkum ka jingpynbna bala pynmih da ka tnad Home jong ka Sorkar Meghalaya kala ong ba kala ioh iaka kaidphod na Police Headquarter hadien ka jingjia haka shnong Mukroh la don ka jingshah shoh shahdat ki riew paidbah, ka jingthang bad pynjulor iaki mar paidbah.

Kumta la bteng biang ia kane ka jingkhang internet (Mobile Internet| Data Service) ha baroh kine ki 7 district ban khanglad iaka jingpynsaphriang iaki khubor kiba ktah iaka shongsuk shongsain haki social media.