Bteng ka Indian Red Cross Society iaka prokram iarap para briew sa ha Shilliangmyntang Secondary School

Syllad | The Rising MeghalayaNovember 20, 2021

Ka Indian Red Cross Society (IRCS), West Jaintia Hills Disrtrict kala bteng ban pynlong iaka prorkam iarap para briew kaba la tip kum ka ‘Distribution of Humanitarian Aid’ sa haka skul Shilliangmyntang Secondary School.

Ka IRCS kala sam iaki jain kup thiah haka sngi Saitjain haka jingialang kaba long ha phyllaw ka skul kaba iadonlang ki dkhot ka School Managing Committee u Dr. H Talang bad u Pynhunjai Talang haka jingialang kaba pyniaid da u Hanpaia Nongpluh, Life Member IRCS.

La ioh jingkren na ka kong Arki Lamare, Head Teacher Shilliangmyntang Secondary School bad ruh kyrpang ki jingkren jingbatai shaphang ka Indian Red Cross Society na u Ohiwot Laloo, Secretary IRCS, West Jaintia Hills Unit.

Ka School Managing Committee Shilliangmyntang Secondary School kala pynpaw iaka jingsngewnguh iaka IRCS bad kala kitbok kitriwiang ba ki nongialam bad ki dkhot jong ka kin nang la ban ai ka jingshakri ka jong ki sha ki para briew.