Bteng ka jingkhang internet sa 48 kynta

Syllad | The Rising MeghalayaNovember 24, 2022

Ka sorkar Meghalaya kala pynjlan biang iaka por khang internet sa 48 kynta ban tem iaka jingsaphriang ia ki khubor kiba lah ban ktah iaka shongsuk shongsain haki 7 district jong ka Jyllaa.

Katkum ka jingpynbna bala pynmih da Secretary sha ka tnad kam Pohiing u Bah CVD Diengdoh la ong ba ka report na u Deputy Commissioner, West Jaintia Hills District bad na ka tnad Pulit ba ka jingjia ha Mukroh ka lah ban ktah iaka shong shongsain ha ki district bapher bapher ha Jylla

Ka tnad Pulit kala ong ruh ba ka don ka jingthang kali kiba don ia u number Assam ha Shillong bad Rilum Jaintia.

Kumta ban khanglad iaka jingsaphriang khubor kiba ktah iaka shongsuk shongsain lyngba ki dur ki dar la khang ia baroh ki khubor paidbah ne ki social media.

Kane ka jingkhang internet kan bteng sa 48 kynta naduh ka 24 tarik 10:30 Am ha ki  7 district kynthup iaka West Jaintia Hills, East Jaintia Hills, East Khasi Hills, Ri Bhoi, Eastern West Khasi Hills, West Khasi Hills bad South West Khasi Hills Districts.