Bteng ka jingsam tin sop iing u MLA ka Nartiang

Syllad | The Rising MeghalayaApril 25, 2025

Kum shibynta ban bteng iaka jingsam tin sopiing sha ki longiing, u Symbud Myntri Rangbah ka Jylla bad MLA ka Nartiang u Bah Sniawbhalang Dhar ula sam biang ia ki tin sa shaki 600 tylli ki longiing haka 23 tarik u Iaiong.

Kine ki nongioh myntoi ki dei na ka shnong Ummulong, Thadmusem bad Bamkamar.

Lah ban pynkynmaw ba haka 19 tarik Iaiong la sam ia kine ki tin sha ki 600 tylli ki longiing ka shnong Wahiajer bad ki shnong marjan.

U Bah Sniawbhalang ula buh iaka thong ban sam ia kine ki tin sha ki 5000 tylli ki longiing ha baroh kawei ka constituency ban pynduh noh iaki iing kiba sop da u phlang.

U president ka National People’s Youth Front (NPYF) jong 1-Nartiang Unit, u Bah Damechwapaya Dhar ula pynpaw ka jingsngewnguh ia u MLA uba la pynioh iaki tin sop iing shaki longiing ba duk haka por kaba biang eh shuwa ka aiom slap.

Buh thong u MLA Nartiang ban sam tin sopiing sha ki 5000 iing