Bteng ka MPUF ban sam marbam sha ki longïing ba duk

Syllad | The Rising MeghalayaJuly 21, 2021

Ka Meghalaya People United Front (MPUF), East Jaintia Hills District haka sngi Balang kala synñiang da ki marbam sha kawei ka longïing haka shnong Dienshynrum, East Jaintia Hills District.

Kane ka longiing kadei kaba don 9 ngut ki khynnah kiba sah khunswet bad ka MPUF kala synñiang da u khaw, u phan, u dai bad ki tiar jingïalehkai sha kine ki khynnah.

U Kyrshan Blah president MPUF East Jaintia Hills, ula ong ba hadien ba kila ioh jingtip ba kane ka iing ka don haka khim ka khait, kum shibynta ban kyrshan ia kane ka iing kila rai ban ai jingiarap katkum ka jingkot bor ka jong ki.

U Wilbert Nongtdu uba dei u Waheh shnong uba la pynpaw ka jingsngewnguh ïaka MPUF halor ka jinglong la kloi ka jong ka ban iarap ia kane ka iing.