Bteng ka NDSA bad WJDSA ban lamkhmat ha ka lympung Meghalaya Youth League

Syllad | The Rising MeghalayaAugust 12, 2024

Ka Nongstoin District Sports Association ka la bteng ban khur ia ka jingjop ha ka U-16 jong ka Pool D ha ka “Meghalaya Youth League 2024” bad mynta kala tam da 5 point ia kiwei pat ki kynhun kiba  don ha katei ka thup ialehkai.

Katba ha ka U-14 pat ka Nongstoin kala shah tam shi point haka Pyndengumiong District Sports Association.

Hadien saw round jong ka jingialehkai, ka kynhun U-16 ka Nongstoin ka la ioh khur 10 point hadien ba ka la lah ban pynliem nh ia ka Mawshynrut Sports Association ha ka jingiakhun kaba mar ia aireng bad kaba la kut noh da 4-3.

Mynta laitylli ki team ki ba la ioh khur mar 5 point, kata ka Mawshynrut (ha kaba kane ka dei ka sien shah rem kaba nyngkong), Pyndengumiong (kaba la pynliem ia ka Mawkyrwat District Sports Association 4-1) bad ka Tyrsad Area Sports Association (kaba la iakhaid da 0-0 bad ka Eastern Border Sports Association).

Katba ha ka U-14, ka Pyndengumiong ka la lamkhmat da kaba ioh 10 point hadien ka jingiakhad 0-0 bad ka Mawkyrwat ha ka jingialehkai kaba la long ha ka 10 tarik mynta u bnai. Ka Nongstoin ha kawei pat ka bynta ka la lah ban pynliem ia ka Mawshynrut da 6-1, katba ka Eastern Border ka la pynliem da 4-0 ia ka Tyrsad.

Katba ka West Jaintia District Sports Association kala bteng ban khur ia ka jingjop ha ka lympung jong ka U-16 bad U-14 kumjuh ha ka Group B da ka jingjop kaba 2-0 bad 4-0 pyrshah ia ka Amlarem Block Sports Association ha ka U-14 bad U-16 kumjuh.

Kumjuh ha ka Group B, ka Laskein Block Sports Association bad ka East Jaintia District Football Association ki la ioh ia ka jingjop ha kaba ka Laskein ka la jop ia ka U-14 da 2-1 bad ka East Jaintia ha ka U-16 da 2-0.

Ha ka Group C, ka Shillong Sports Association ka la ioh ia ka jingjop kaba nyngkong da kaba pynlem ia ka Western Ri-Bhoi Sports Association da 1-0 ha ka U-16.

Katba ha ka Group A, ka Tura District Football Association ka la pynlem da 4-0 pyrshah ia ka North Garo Hills District Sports Association, ha kaba u Wanchiang K Marak u la ioh ban thep ia baroh ki saw kol.

 Ka result U-14 jong ka 10 tarik Nailar:

Zone A – Baghmara District Football Association 0 – 4 Tura District Football Association

Zone B – Amlarem Block Sports Association 0 – 2 West Jaintia District Sports Association

Zone B – East Jaintia District Football Association 1 – 2 Laskein Block Sports Association

Zone C – Sohra Sports Association 0 – 0 (Match abandoned. Both sides received 1 point each) Ri-Bhoi District Sports Association

Zone D – Nongstoin District Sports Association 6 – 1 Mawshynrut Sports Association

Zone D – Mawkyrwat District Sports Association 0 – 0 Pyndengumiong District Sports Association

Zone D – Tyrsad Area Sports Association 0 – 4 Eastern Border Sport Association

Ka result U-16 jong ka 10 tarik Nailar:

Zone A – North Garo Hills District Sports Association 1 – 1 Williamnagar District Sports Association

Zone B – Amlarem Block Sports Association 0 – 4 West Jaintia District Sports Association

Zone B – East Jaintia District Football Association 2 – 0 Laskein Block Sports Association

Zone C – Sohra Sports Association 0 – 0 (Match abandoned. Both sides received 1 point each) Ri-Bhoi District Sports Association

Zone C – Western Ri-Bhoi Sports Association 0 – 1 Shillong Sports Association

Zone D – Nongstoin District Sports Association 4 – 3 Mawshynrut Sports Association

Zone D – Mawkyrwat District Sports Association 1 – 4 Pyndengumiong District Sports Association

Zone D – Tyrsad Area Sports Association 0 – 0 Eastern Border Sport Association