WJDSA Republic Day Cup: Bteng khur nam jop ki khynnah ialehkai ka Panaliar bad Catholic Youth Mihmyntdu

Syllad | The Rising MeghalayaJanuary 10, 2024

Ka Iawmulong Nartiang, Kseh Sylle SC, Iawmusiang Nangbah, Catholic Youth bad Panaliar ki la khur jingjop haka jingialehkai ki khynnah rit – Under-13 Republic Day Cup Football Tournament kaba pyniaid da ka West Jaintia District Sports Association (WJDSA) ha madan Kiang Nangbah Stadium haka 9 atrik Kyllalyngkot.

Haka jingialehkai kaba nyngkong ka Iawmulong Nartiang ka la pynliem iaka Chilliangraij da 4-0. Ia kine ki kol la thep da u Y. Maskut haka minit kaba 7, u M. Maskut 25 bad u K. Pyrtuh 42 & 47.

Ka Kseh sylle SC ka la pynliem iaka Lumkyrwiang SC da 3-0. Ia kine ki kol la thep da u Khainmi Pale 22, Emihashwa Dhar 50, bad Rijuban Dhar 53.

Ka Iawmusiang Nangbah ka la pynliem iaka Luti Tuber da 1-0 bad ia kane ka kol la thep da u Kyrkhumitre Lamare 42.

Ka Catholic Youth Mihmyntdu ka la pynliem iaka FAM da 1-0 bad ia kane ka kol la thep da u Wandame Pahwa 27 minit.

Ka Chutwakhu bad ka Mynthong ki la iakhait da kaba thep mar 1-1. Iaka kol jong ka Mynthong la thep da u Jomison Shylla 5 minit bad iaka Chutwakhu la thep da u Yokhain Pyrtuh 29 minit.

Ka Panaliar ka la pynliem iaka Dulong da 4-2. Iaki kol jong ka Panaliar la thep da u Sawa o Phira 9 & 22 bad u Lewa o Sumer 50 & 52 katba iaki kol jong ka Dulong la thep da u Ozil Langshiang 55 & 60 minit.