Bthah ka iingkashari iaka CBI ban aiti ia ka thup ba khatduh ki sakhi halor ka jyrsieh thungkam nonghikai

Syllad | The Rising MeghalayaMarch 12, 2025

Ka iingkashari Meghalaya High Court ha ka 11 tarik Lber ka la bthah ia ka Central Bureau of Investigation (CBI) ba kan aiti ia ka thup ba khatduh jong ki sakhi halor ka jyrsieh thungkam nonghikai jong u snem 2009. 

Haba pynmih ia kane ka hukum, ka iingkashari ba la khlieh da u Chief Justice IP Mukerji ka la ong, “Ha kine ki jinglong jingman, mynta ka sngi kane ka iingkashari ka la pyniaid shakhmat ban sngew ia ka aplikeshon ba hakhmat eh hapoh ka Section 482 jong ka Criminal Procedure Code khnang ba ka CBI kan lah ban aiti ia ka thup ba khatduh jong ki sakhi. Hadien ba la dep ban kylli jingkylli ia ki sakhi ka iingkashari kaba shim bishar ka lah ban pyniaid shakhmat ban pynlong shuh shuh ka jingtohkit ia ki sakhi bad ha kaba iadei bad ka jingshim bishar.”

“Lyngba ka hukum kaba hashwa, ban pynthikna ia ka jingpynkloi, ka jingbishar ba khlem shah liang, Nga la shem ba ia ka jingdon jong ki sakhi lah ban pynduna bad shim beit tang ia kito kiba ai sakhi kin long kiba donkam ban pynshisha ia ka mukotduma ban pynngat khlem ka jingartatien bad ban iehnoh ia ki sakhi ki bym da donkam,” ong u Chief Justice.

Ha ka por ba shim bishar, u DSGI Dr N Mozika u la pyntip ba u nongiasaid ain sorkar u la pynkhreh ia ka thup jong ki 492 ngut ki sakhi, ha kaba 28 ngut na ki, ki dei kiba la dep ban kylli jingkylli haduh mynta.

Ka hukum ka la ong ba u nongiasaid u pyntip ba u nongiasiad ain sorkar u la rai ban pynkut noh ia ki 200 ngut ki sakhi bad ban kylli jingkylli ia ki 292 ngut kiba sah ha kaba 28 ngut ki dei kiba la dep ban kylli jingjingkylli.

Ka iingkashari ka la kdew ruh ba namar ka thup jong ki sakhi ka dei ka bym lah ban rai da ka CBI, kumta ia kane ka kam la pynjlan ha ka 20 tarik Rymphang 2025 sha kane ka sngi.