Bthah ka PWD Shangpung Div ia u kontrak ban siang maw biang iaka surok Nartiang Barato hadien ba ujor ka KSU

Syllad | The Rising MeghalayaMarch 18, 2022

Ka ophis jong u Executive Engineer PWD (Rds) Shangpung Division kala bthah ia u kontraktor ban siang maw bad ban pyndap maw biang iaka surok Nartiang Ionglwit Barato kaba la kynnoh ka KSU bad ka shnong Thangrain bala shna torti ia kane ka surok.

Ka KSU Thangrain ha ryngkat ka bor shnong Thangrain kala ai da ka jingujor sha ka ophis u Executive Engineer PWD (Rds) Shangpung Division halor ka jingkynnoh ba la shna torti u kontraktor iaka surok kaba dang sah kumba 1 KM haka bynta jong ka surok Nartiang Ionglwit Barato ha Thangrain.

U Executive Engineer PWD (Rds) Shangpung Division ma M Nongpluh haka jingiadonlang ki nongialam ka KSU bad ki dkhot ka shnong Thangrain kila hiar jurip ia katei ka surok haka 17 tarik une u bnai.

U Publicity Secretary ka KSU Lamdaki Myrchiang, ula ong ba nakaliang u Executive Enginneer ula bhah ia u kontraktor ban pyndap bad siang maw ïaki bynta ka surok ba dang sah sa 1 kilometre bad ban moramot ïaki bynta ba ka jot jong kane ka surok.

Ula ong ruh ba dangshen ka KSU kala phah pynsangeh iaka jingtrei iaka surok, hynrei hadien ka jingwan hiar jurip u Executive Engineer ka KSU kala ia u kontrak ba pyntrei iaka surok ban shna iaka surok katkum ka rukom bad ka work order bala ioh na ka PWD khnang ba ka jingdon jong ka surok kan wanrah ka jingmyntoi ia u paidbah ka thain.