Bthah ka tnad AH & Veterinary ban buh iaki sniang 20 sngi shi jaka, ym dei ban ai bam da kiba shu tam

Syllad | The Rising MeghalayaApril 28, 2020

U District Animal Husbandry and Veterinary Officer, East Jaintia Hills District u pynbna paidbah ba ha ka ba iadei bad ka jingpang jong ki sniang ha ka jylla Assam (Dhemaji, North Lakimpur, Biswanathm, Dibrugarh, Shivsagar, bad Jorhat District, u la bthah ia ki nongri jingri hapoh East Jaintia Hills District ban kim bit ban wan rah ne thied ia ki sniang na ki jaka ki bymithuh lane thikna.

Ki nongri sniang kiba thied sniang thymmai ki dei ban buh ia ki shi jaka haduh 20 sngi bad ban ym ban pyniakhleh lang bad ki sniang ki ba ki la ri lypa. Ki nongri sniang kim bit ruh ban wan rah ia ki bam ba shu bret ne tam na ki dukan sha lane dukan ja, hynrei dei ban  sait khuid bad shet bha ia ki jingbam ne jhur kiba ki ai ia ki sniang.

Shuh shuh, ia ki sem sniang dei ban pynkhuid bha man la ka sngi da kaba pyndonkam 1% iaka dawai Formaldehyde, Phenolic bad dei ban buh ia ki jaka wieh kjat ha ki bynta shwa ban rung sha ki sem.

La khang pyrshah ban ban die ia ki sniang ki ba don jingpang sha ki nongdie doh ne nongkhaii doh bad dei ban pyntip sha ki Doctor Veterinary lada ki sniang jong ki pyni iaki dak ba ki don jingpang, ia ki sniang ba iap dei ban tep jylliew bad da kaba pyndonkam ruh da ka shun.