Bthah u DC East Jaintia ban bud iaki jingbthah ban tem iaka jingpur COVID-19

Syllad | The Rising MeghalayaJuly 23, 2020

U Deputy Commissioner, East Jaintia Hills District haka 23 tarik une u bnai ula pynmih da ka jingbthah bad kyntu ia baroh ki nongshong shnong haka district ba kin bud ryntih iaka lad jingiada bad ban pynsuk iaki nongtrei ka tnad ka koit ka khiah ban budien iaki briew kiba don jingma ban ia bit khlam COVID-19.

Katkum ka jingbthah u DC ka ong “Khang ban lah ban teh lakam ia ka jingpur jong u khniang jingpang COVID-19 hapoh ka District East Jaintia Hills bad ban pynsuk ia ka Contact Tracing ban lap ia ki Briew ba long High risk/ Low Risk contact hapoh ka District.

Kumta baroh ki dukan naduh ki dukan rit haduh ki dukan heh, dukan ai rashon, ki Bank, ki Restaurants, ki karkhana, ki Ophis Private, Ki Ophis Sorkar, ki Skul bad College hapoh ka District la bthah ba kin pyndonkam da ka Register ban shim ia ka kyrteng, jaka sah, phone number jong ki briew (Customers) ba wan thied jingthied na ki dukan jong ki ne wan donkam sha ki bank, ophis skul, colleges bad ban pynbiang ruh ia ki Sanitizers lane ka um bad sabon na ka bynta ki customers.

Ia ki kyrteng ki briew ba la pynrung ha ki register jong ki, ki dei ban buh record bha, ba ha kano kano ka por ba donkam kin hap ban submit iaki.

La bthah ruh ia ki Waheh Shnong ba kin peitngor ba baroh kitei kiba hap hapoh u pud u sam jong ka shnong jong ki, kin kohnguh bad pynbiang ia kane ka hukum.

Kumta, la kyrpad ia baroh ki Nongshong Shnong hapoh ka District ban ia snohkti lang bad ki trai dukan ryngkat ka jingiatreilang ki Waheh Shnong bad ka Dorbar Shnong hi baroh kawei khnang ban ngin lah ban pyrkhing bad teh lakam ia kane ka jingpur jong u khniang jingpang COVID-19.”