Bthah u DC East Jaintia Hills ia ki longïing kiba don ha sharing lum ban mih shipor

Syllad | The Rising MeghalayaMay 29, 2024

U Deputy Commissioner bad Chairman District Disaster Management Authority, East Jaintia Hills District, Khliehriat u la bthah ia baroh ki Waheh Shnong hapoh ka District, ban phah mih shipor ia ki trai ki ba don iaki iing ki sem ha ki jaka pynnoh ne sharing kiba buh jingma na ka jingtwa khyndew ban mih na ki iing ki sem jong ki shipor.

Kane ka hukum u DC ka wan jia long namar ka jingjur u slap hapoh ka District bad la bthah ia ku kine ki longïing ban sah shipor ha iing skul/ community hall jong ki shnong lane shaki ïing kiba ha iing khnang ban lait na kino kino ki jingjia ba sngewsih.

U DC ula kyntu ruh ia baroh ki waheh shnong ba kin pyntip sha ki Block Development Officer (BDO) na ka bynta ki long iing ba lah pynsah ha ki iing skul ne community hall, ba kin ioh leh ia kaba don kam.