Bthei ka sharak iap 2 ngut ha Chutwakhu Sarhen

Syllad | The Rising MeghalayaMay 30, 2020

Ar tylli ki mynsiem ba kordor kila duh ei, kynthup iaka khynnah kaba dang 3 snem ka rta, katba lai ngut kiwei pat kila mynsaw jur hadien ka jingbthei kynsan ka sharak haka iing sah jong ki ha Chutwakhu Sarhen, ka shnong kaba hap hapoh ka Saphai, Out Post, West Jaiñtia Hills District.

Kane ka jingjia kala jia haka miet sngi Thohdieng haka por 7:30 Pm ha kaba kynsan kynsan ka sharak kala bthei haka ïing shetja jong ka kong Rapkmen Suiam, ong u Superintendent of Police West Jaintia Hills Bah Lakador Syiem.

Ka kong Rapkmen Suiam (40) bad ka khun jong ka Daiowbiang Suiam (3) kila khlad na ka jingmynsaw ing ding, katba u lok jong ka Borsing Tyngkan bad ar ngut ki khun ka Rime Suiam (15) bad ka Meda Suiam (17) la pynkit sha hospital.

Ia u Borsing Tyngkan la pynkit sha Nazareth hospital, Shillong bad u don ha ICU, katba ka Rime bad Meda ki shah sumar ha Jowai Civil Hospital, Ialong.