Bthei u pipeline ban sam um sha ka power house jong ka Kupli Hydro Electric Project, jah saw ngut kynthup ki engineer

Syllad | The Rising MeghalayaOctober 7, 2019

JOWAI: Saw ngut ki nongtrei jong ka North Eastern Electric Power Corporation (NEEPCO) Limited ha Kupli Hydro Electric Project (KHEP) kila lah jah rngai hadien ba bthei u pipe line ba sam um sha ka  power house lyngba ka tunnel jong ka KHEP ha 8 kilo ka shnong kaba jngai kumba 8 KM na Umrangso.

Kane ka jingjia bthei u pipe line ka power house kala jia haka 4 baje mynstep haka sngi Nyngkong bad kala wanrah ka jingshlei um haka power house jong ka KHEP.

Ha kane ka jingjia saw ngut ki nongtrei ka KHEP, NEEPCO kaba kynthup ïaki ar ngut ki Junior Engineer bad 2 ngut kiwei ki nongtrei kiba leit jurip ïaka jingthud ki pipeline kila shah kit haka um hadien ka jingbthei ki pipeline bad haduh ba la thoh ïaka khubor ym pat lap satia ïa ki.

Kane ka jingjia kam da jngai na ka shnong Khasi kaba la tip kum ka Khasi Pan Basti.