Buddien bad iai ban ka KSU ban maramot ia ka surok Ladrymbai Bypass

Syllad | The Rising MeghalayaDecember 21, 2023

Ka KSU Wapung bad Ladrymbai Unit haka 20 tarik Nohprah, ka la buddien bad iai ban ban dawa iaka sorkar ban maramot noh katba lah kloi ia ka surok Ladrymbai Bypass kaba la jot rathai ha kine ki snem ba la dep bad haduh mynta.

Ka seng ka la ioh ban iakynduh ia ka Additional Deputy Commissioner, East Jaintia Hills District JU Kharpuri bad kyntu iaka ban phah maramot kloi iaka surok halor ka nongrim ba ki kali heh ki lah iaid na katei ka surok mynta la shitaiew kaba la pynsuk iaka leit ka wan ha ka thain Ladrymbai bad kala pynduna iaka dheng kali.

Kumban shu pynkynmaw ka KSU halor kane lyngba ka Wapung unit ka la leit ban buh jingthoh nyngkong sha u EE PWD Roads Khliehriat Division ha ka 22 tarik u Nailur (September ) 2022 bad kane ka kynti kaba mynta ka seng ka ngeit skhem ba ka tnat ba dei peit kan maramot noh ia une u surok u ban pynsuk iaka leit ka wan ki paidbah.

Ka seng ka iohi ba ka jingiaid ki kali heh na une u surok ka lah iarap shibun ha ka ban pynduna iaka jingdheng kali ha shi lynter ka shnong bad iew Ladrymbai bad ia u surok dei ban maramot noh bad pynjanai khnang ba ki kali heh kiba iaid ruh kin nym jynjar bad ba kin suk.

Ka seng ka pynpaw ruh iaka jingsngew nguh iaka tnat pulit ba la shim khia ban pynduna ka dheng kali ban ka seng kan dang iai bteng ban ia treilang ha kino kino ki mat kiba ktah bad kiban rah jingmyntoi ia u paidbah.

Ka seng kan sa ai ruh iaka copy jong ka dorkhas sha u EE PWD roads Khliehriat Division halor kane ka mat.