Buh jaka ka Demthring haka final Super Div ka WJDSA

Syllad | The Rising MeghalayaDecember 2, 2024

Ka Demthring kala lah ha kaban pynthikna ialade ban buh jaka haka kyrdan jong ka final haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 2 tarik Nohprah.

Kane kala wan hadien ba ka Demthring kala pynliem da 1-0 iaka Nangbah Mulang haka jingiakhun Semifinal kaba nyngkong ne qualifier-1.

Kane ka shikol ka Demthring kala wan haka minit shuwa ban kut noh ka por ialehkai kaba la thep da u Marshial Nongrum (90+2) kaba la kylla long syndon ka kol jop.

Haka 3 tarik Nohprah ka jingïakhun semifinal kaba ar ne eliminator kan long hapdeng ka Wahiajer pyrshah iaka Ladthadlaboh haka por 1.00 baje nohphai sngi.

Haka 7 tarik Nohprah ka jingiakhun semi Final kaba lai kan long hapdeng ka Nangbah Mulang pyrshah ïaka kynhun kaba jop haka semifinal kaba ar.