Buh jaka ka Lama Youth bad Lakadong Ummat ha ka wat ba ar ka Third Div ka EJHDFA

Syllad | The Rising MeghalayaAugust 23, 2023

Ka Lama Youth SC bad ka Lakadong Ummat ki la rung ha ka wat kaba ar jong ka lympung ïalehkai Third Division Football Tournament ba la pynïaid da ka East Jaintia Hills District Football Association (EJHDFA).

Haba phai sha ka jingialehkai kiba long haka sngi ba Balang ha madan artificial turf Diengshynrum, Khliehriat, ka Lama Youth kala jop da 2-0 iaka Lion SC Borghat. Ia kine kol la thep da u Hajan Rymbai 25′ bad u Banshan Dong 34′. Da kane ka namjop ka Lama kala lah ha kaban pynthikna ialade ban buh jaka haka wat kaba ar.

Shuwa kane ka jingialehkai, ka Wapungskur SWO kala iakhaid bda ka Musniang DKSC 1-1.

Ka jingiakhun kaba khatduh jong ka sngi hadpeng ka Nongsning SC pyrshah iaka Lakadong Ummat kala wai khlem don mano mano ba ioh pynkhih jar. Ka Lakadong da kane ka jingiakhaid kala ioh rung sha ka wat kaba ar.

Kane ka jingialehkai Third Division ka EJHDFA kala jan poi artad shaba ka kut jong ka wat kaba nyngkong bad kaba sah satang 6 tylli ki jingialehkai.