Buh jaka ka Maitshaphrang bad ka Khliehmynkrem haka quarter final Second Div ka WJDSA

Syllad | The Rising MeghalayaSeptember 5, 2023

Ka Maitchaphrang Mootyrchiah bad ka Khliehmynkrem kila lah ban pynthikna ha kaban buh jaka ialade haka kyrdan quarter final haka Second Division Football Tournament kaba pyniaid da ka West Jaintia District Sports Association (WJDSA).

Kane ka la wan hadien ba ki la khur jingjop haka jingiakhun jong ka wat kaba nyngkong kaba la long ha madan Kiang Nangbah Stadium Ladthadlaboh Jowai haka sngi Nyngkong.

Ka Maitchaphrang Mowtyshiah kala wan haka kyrdan top team katba ka Khliehmynkrem ka la wan haka kyrdan kaba ar 2nd Top team na ka Pool C.

Haba phai shaka jingialehkai, ka Maitshaphrang Mowtyrshiah kala jop da 5-0 iaka Nangbah Dukhu. Ia kine ki kol la thep da u Batskhem Dkhar 28′, u Pynsakhiat Dkhar 38′, u Risanlang Dkhar 47′ & 75′ bad u Dapnaki Lamarei 66′.

Haka jingialehkai kaba bud, ka jingiakhun ka kut da ka jingiakhaid da mar shi kol hapdeng ka Khliehmynkrem FC pyrshah iaka Caroline Colony.

Ka Khliehmynkrem FC kala ioh thep shuwa iaka kol lyngba Mebanker Challam 72′ bad ka Caroline Colony kala tan iaka jingialehkai sha kaba iakhaid lyngba ka kol u Long Pohlong 77′.

Haka 5 tarik Nailur ka jingiakhun kan long hapdeng ka Lumpariat pyrshah iaka Chutwakhu haka por 12.00 baje nohphai sngi. Ka West Madan Mustem pyrshah iaka Dongmihsngi haka por 2.00 baje janmiet.