Buh jaka ka Medical XI haka semifinal haka inter office football ka MSGEF

Syllad | The Rising MeghalayaDecember 2, 2021

Ka Medical XI kala buh jaka ialade haka kyrdan jong ka semifinal hadien ba kala pynliem da 3-1 kol pyrshah iaka MeECL haka football ka “8th U Kiang Nangbah Memorial Inter Office Football Tournament” kaba pyniaid da ka Meghalaya State Employees’ Federation (MSGEF) kaba long ha Kiang Nangbah Stadium haka sngi Palei.

Ha kane ka jingiakhun ka Medical XI kaba la tam shuwa shkhmat 2 kol lyngba ka kol kala ialehkai bha. U Donbok Bamon bad u Nehlang Bareh kila thep mar shikol haka minit kaba 43 bad 67. U Nehlang ula thep biang iaka kol kaba lai haka mint kaba 90+1 kaba la biang pura ba kan khur namjop bad buh jaka haka kyrdan jong ka semifinal.

Shikol ka MeECL la thep da u Thymmaibor Buam haka minit kaba 85.

Lashai ka jingiakhun quarterfinal kan long hapdeng ka Veterinary pyrshah iaka WJH Police.

Ka quarterfinal ba lai kanlong hadpeng ka Soil pyrshah iaka 3rd MLP Battalion bad kaba saw kan long hadpeng ka PHE pyrshah iaka Water Resources haka 6 bad 7 tarik une u bnai.