Buh jaka ka Mukhla Umlangshor bad ka Madankynsaw haka final Third Div ka WJDSA

Syllad | The Rising MeghalayaAugust 21, 2023

Ka Mukhla Umlangchor bad ka Madankynsaw Mookyndeng kila lah ha kaban buh jaka ialade haka kyrdan jong ka final hadien ba kila khur namjop haka jingialehkai semifinal jong ka Third Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.,

Ka Mukhla Umlangshor kala pynliem da 1-0 iaka Madan Thadmuthlong. Ia kane ka kol la thep da u Ovenson Symblai haka minit kaba 57′ bad kane ka kol kala neh haduh ba kut ka jingialehkai.

Haka jingïakhun semifinal kaba bud, ka Madankynsaw Mawkyndeng ruh kala jop da 1-0 iaka Moodop Royal. Ia kane ka kol la thep da u Cornilius Suchiang haka minit kaba 34′.

Kumta da kane ka namjop ka Mukhla Umlangshor bad Madankynsaw kin pynkhreh ban mih madan ban aireng pyrshah kawei ia kawei ban iaknieh ia ka nam lahduh haka 29 tarik Nailar ha madan Kiang Nangbah Stadium.