Buh jaka ka Mynthong SC haka Meghalaya State League

Syllad | The Rising MeghalayaNovember 12, 2019

JOWAI: Ka Mynthong SC kala lah ban buh jaka ïalade haka Meghalaya State League (MSL) hadien ba kala rah ïaka nam lahduh jong ka ‘12^th Kiang Nangbah Memorial Trophy’ kaba pynïaid da ka West Jaiñtia District Sports Association (WJDSA) da kaba pynliem ïaka 7 Wasa Utd da ka tie breaker da 4-3 haka jingïakhun final kaba long ha Kiang Nangbah Stadium haka sngi Nyngkong.

Ka Mynthong SC ka kynhun kaba ïalam da u ma Ryum  Khonglah AFC ‘C’ Coach kaba la ïalehkai dang mynta ka aiom ïalehkai haka Super Division ka WJDSA kala lah ban thaw rekod bad lah ban pynliem ïaka 7 Wasa ka lahduh jong ka MSL bad ka WJDSA.

Ka 7 Wasa na kane ka namrem kan hap ban ïakhun ïaka qualifying round pyrshah ïaka kynhun kaba wan kaba rem haka Third Place jong ka Shillong League ban ioh rung haka  MSL ka ban long haka 18 tarik une u bnai.

Ka MSL kan sdang naduh 27 Naiwieng haduh 21 Nohprah 2019 ha Khliehriat, Mawkyrwat, Jowai bad Resubelpara.

Haba phai sha ka jingïakhun haka por kaba la buh ka jingïakhun kala wai da kaba ïakhaid mar 2-2 kol.

Ïaki ar kol ka Mynthong la thep da u Deepak Chetri (45+1) bad u Jerry Shylla (57). Katba na 7 Wasa Utd la thep da u Pynshai Lathong (18) bad u Namphang Sumer (90+5).

U Pynishai Lathong  u nongïalehkai ka 7 Wasa ula ïoh khur ïaka khusnam Top Scorer hadien ba ula thep haduh 15 kol, Best Goalkeeper la ïoh rah da u Daemitre Dann u nongap kol ka 7 Wasa United. Ka nam Man of the Match la ïoh khur da u Heipormi Talang jong ka Mynthong Sc bad ka nam Player of the Tournament la khur da u James Gray Tongper u nongïalehkai ka 7 Wasa Utd.