Buh jaka ka Newhill & Lumpyrtuh haka semifinal 3rd Div ka WJDSA

Syllad | The Rising MeghalayaAugust 30, 2024

Ka Newhill bad Lumpyrtuh Mihmyntdu kila lah ha kaban buh jaka ialade haka kyrdan semi final haka lympung ialehkai 3rd Division Football Tournament – 4th Adelbert Laloo Memorial Trophy ba la pyniaid da ka West Jaintia District Sports Association (WJDSA).

Kane ka la wan hadien ba ka Newhill bad Lumpyrtuh Mihmyntdu kila khur namjop haka jingialehkai quarterfinal kaba long haka 30 tarik Nailar ha madan Kiang Nangbah Stadium.

Haka jingialehkai quarterfinal kaba nyngkong ka Newhill kala pynrem da 2-0 iaka Riatsaliya Mihmyntdu. Ia kine ki ar kol ka Newhill kala thep haka kylla miet lyngba u Fabies Gatphoh (70) bad u Simeon Suchiang (80+2) kiba la biang pura iaka ban rung sha ka semifinal.

Haka quarterfinal kaba ar ka Lumpyrtuh Mihmyntdu kala jop da 2-0 iaka SCSC Nonglatem. U Arwan Rymbai (39) bad Yooluti Pakma (46) kila thep ia kine ki ar kol ban buh jaka haka semifinal.

Haka 31 tarik Nailar, ka jingiakhun quarterfinal ba lai bad ba saw kan long hapdeng ka Myrjai pyrshah iaka Pasyih Cultural haka por 12.30 baje mynsngi bad ka Mookaswan Dongwah pyrshah iaka Mulang Ialong haka por 2.30 baje nohphai sngi.