Buh jaka ka Pamrakmai haka semifinal Second Div, ka Moosiang Lamare & Lakadong Ummat haka quarter final Third Div ka EJHDFA

Syllad | The Rising MeghalayaSeptember 5, 2023

Ka Pamrakmai SC kalong ka kynhun ialehkai kaba nyngkong eh ban buh jaka ialade haka kyrdan Semi Final haka Second Division, katba ka Moosianglamare Old bad ka Lakadong Ummat SC ki la rung shaka jingiakhun Quarterfinal haka Third Division Football kiba pyniaid da ka East Jaintia District Football Association (EJHDFA).

Kane kala wan hadien ba kine ki lai tylli ki kynhun ialehkai kila jop haka jingialehkai kaba long haka madan artificial turf ha Diengshynrum haka sngi ba Ar.

Haka jingialehkai jong ka wat kaba ar, ka SWO Moosianglamare Old kala pynleim da 3-1 iaka Ryntihlang SC Brichyrnot. Iaki kol jong ka Moosianglamare Old la thep da u Samkhih Rymbai 58’ kaba la wan lyngba ka penalty, u Meshwa Lapasam 69’ bad u Deilang Syrti 81’. Katba ka shikol jong ka Brichyrnot la thep da u Guiding War 27’.

Haka jingiakhun kaba bud, ka Lakadong Ummat ka la jop da 3-0 iaka Lama Youth SSC bad ia kine ki kol jong ka Lakadong Ummat la thep da u Pormi Sumer 37’, u Pynbha Suchen 49’ bad u Ebormi Lyngdoh 71’.

Haka jingiakhun quarter final haka Second Division Football League, ka Pamrakmai SC ka la jop da 4-0 iaka Iapmala UTD SC. Iaki kol jong ka Pamrakmai SC la thep da u Nirmal Dkhar 2’, u Fivestar Shylla 63’ & 74’ bad u Wat-o-Rymbai 78’.