Buh jaka ka Riatsaliya Newhill Lumpyrtuh bad ka Nonglatem haka quarterfinal 3rd Div ka WJDSA

Syllad | The Rising MeghalayaAugust 25, 2024

Ka Riatsaliya, Newhill, Lumpyrtuh Mihmyntdu bad ka SCSC Nonglatem kila ban buh jaka ialade haka quarterfinal jong ka 3^rd Division Football Tournament- 4^th Adelbert Laloo Memorial Trophy kaba pyniaid da ka West Jaintia District Sports Association (WJDSA).

Kane kala wan hadien ba kine ki saw kynhun kila jop haka jingialehkai pre quarter final kaba long haka 23 bad 24 tarik Nailar ha Kiang Nangbah Stadium.

Haka jingialehkai kaba long haka 24 tarik, Ka Lumpyrtuh Mihmyntdu kala jop pyrshah iaka Iooksi Youth Welfare da ka Tie-breaker da 4-2.

Haka jingiakhun kaba bud, ka SCSC Nonglatem kala pynliem iaka Luti Tuber Ialong da 6-0. U Pyndapbha Muktieh ula khyrwit da ka hatrick (29, 32 , 59), katba kiwei pat ki kol la thep da u Informe Muktieh (27) bad u Healthies Lamare (55, 70).

Haka jingialehkai kaba long haka 23 tarik, ka Riatsaliya ka la jop da 10-2 pyrshah iaka Loompyrdi Iongpiah. Arngut ki nongialehkai ka Riatsaliya kila khur iaka hatrick kynthup ia u Iohhi Chyrmang 12, 71, 76, 38  bad u Neviki Phawa 66, 73, 78. U Nedy Chyrmang ula the par kol (25, 44 bad u Ohi Dkhar (40+1). Na ka Loompyrdi Iongpiah la thep da u Iakhroo Laloo (33) bad u Leni Bareh (50).

Ka Newhill kala jop 3-0 pyrshah iaka Phramer. Ia kine ki lai kol la thep da u Simeone Suchiang (54), Hamedamanbha Thma (76) bad u Dawanlang Laloo (80+3).

Kine harum ki jingialehkai kiba dang sah:

26.08.24 @ 12.30 PM.
Myrjai vrs Mookynphad Mihmyntdu.
26.08.24 @ 2 PM
Pasyih Cultural vs Madan Thadmuthlong.

27.08.24.@ 12.30 PM.
Mookaswan Dongwah vs Mookyrdup.
27.08.24 @ 2PM.
Mulang Ialong vs Da I hi Mynsngat.