Buh jaka ka Seinbhalang Shkentalang haka final Super League ka ASSA

Syllad | The Rising MeghalayaDecember 12, 2023

Ka Seinbhalang Shkentalang kala lah ha kaban buh jaka ialade haka kyrdan jong ka final hadien ba kala lah ban pynliem da ka penalty iaka Amlarem SC haka semifinal kaba nyngkong ne ka qualifier-1 Super League Football Tournament. Kane ka lympung kaba pyniaid da ka Amlarem Sub Division Sports Association (ASSA) kala long ha madan mini stadium Ladjaplem, Amlarem haka 11 tarik Nohprah.

Ka jingialehkai hapdeng kine ki arliang kala kut da kaba iakhaid khlem noh mano mano ba ioh pynkhih jar. Ban rai iaka rem ka jop la rah iaka jingialehkai sha ka jingiashut penalty ha kaba ka Seibhalang Skhentalang jop iaka Amlarem Sc da 4-3.

Haka jingiakhun semifinal kaba ar ne ka eliminator ka Jarain SC kala jop da 1-0 iaka Dongmihsngi Mupyut. Ia kane ka shikol ka Jarain la thep iaka da u Puson Rymbui haka minit kaba 53′.

Da kane ka namjop ka Jarain kan mih madan ban aireng pyrshah iaka Amlarem haka qualifier-2 ban iaknieh rung sha ka final haka 14 tarik Nohprah haka 1 baje nohphaisngi.