Buh jaka sa ka Lumpariat bad Chutwakhu haka quarterfinal Second Division ka WJDSA

Syllad | The Rising MeghalayaSeptember 11, 2023

Ka Lumpariat bad ka Chutwakhu ki dei sa ar tylli ki kynhun kiba la lah ha kaban pynthikna ban buh jaka ialade haka quarterfinal jong ka Second Division Football Tournament kaba pyniaid da ka West Jaintia District Sports Association (WJDSA).

Kane kala wan hadien ba ka Chutwakhu kala jop da 3-2 pyrshah iaka Dongmihsngi haka jingiakhun kaba long haka sngi Nyngkong ha Kiang Nangbah Stadium, kaba dei artad ka jingialehkai ba khatduh jong ka wat kaba nyngkong.

U Roolin Ramut marwei ula thep ar kol 5′ bad 56′ bad shikol na u Sooki Lamare (Own Goal) 76′ kaba la biang pura iaka Chutwakhu ban wan haka kyrdan kaba ar na ka pool D hadien ka Lumpariat kaba wan haka kyrdan top team haka miej iakhein point bad pyndap ruh iaka jaka ba thylli ba 7 bad 8 haka quarterfinal.

Ki ar kol ka Dongmihsngi la thep da u Ewanmida O Langstang 37′ bad u Samha OO Ksoo 80′

Shuh shuh hadien ba kane ka lympung kala poi noh sha kaba kut, ki ar tylli ki kynhun ki bym shym la lah ban ialehkai bha kila hap noh ban ialehkai haka aiom ban wan haka Third Division. Kine ki kynthup iaka West Madan Mustem bad ka Pynthorlangtein.

Kine harum ki prokram ialehkai quarterfinal:
13.09.23 @ 11.30 AM- Lion vrs Iawmulong Nartiang.
14.09.23 @11.30 AM – Shangpung Khliehmuchut vrs Khliehmynkrem.
15.09.23. @ 11.30 AM- Maitchaphrang Mootyrchiah vrs Chutwakhu.
16.09.23 @ 11.30 AM- Lumpariat vrs  Mooknor Thadmuthlong