Buh jaka sa ka Mookaswan Dongwah bad ka Mulang Ialong haka quarterfinal Third Div ka WJDSA

Syllad | The Rising MeghalayaAugust 28, 2024

Ka Mookaswan Dongwah bad Mulang Ialong ki long ar tylli ki kynhun kiba lah ban buh jaka ialade haka kyrdan quarterfinal haka lympung ialehkai 3rd Division Football Tournament – 4th Adelbert Laloo Memorial Trophy kaba pyniaid da ka West Jaintia District Sports Association (WJDSA).

Haka jingiakhun pre-quarter final kaba la long ha madan Kiang Nangbah Stadiumhaka 27 tarik Nailar, ka Mookaswan Dongwah kala pynliem iaka Mookyrdup da 2-1 bad ka Mulang Ialong kala jop da ka tiebreaker da 7-6 iaka Da Ihi Mynsngat.

Ia ki kol ka Mookaswan la thep da u Bormi Shylla (43) bad Khel Shylla (73). Shikol ka Mookyrdup la thep da u Dennis Passah (2).

Haba phai sha ka namjop ka Mulang Ialong kam shym la long satia kaba suk namar ba wat hadien ba kala tam 2 kol haka kylla step, hynrei ha ki minit kiba khatduh ka Da ihi Mynsngat kala pynphai kylla baroh ar tylli kine ki kol lyngba u Banker Muksor (80+2) bad u Deepson Tokbi (80+4). Ki ar kol ka Mulang la thep da u Ritre Lyngdoh (11) bad u Richard Dhar (45).