Buh jaka sa ka Shangpung Khliehmuchut haka semifinal Third Div ka WJDSA

Syllad | The Rising MeghalayaMay 17, 2022

Ka Shangpung Khliehmuchut kan long ka kynhun kaba saw kaba la buh jaka ialade haka semifinal jong ka Third Division Football Tournament – 2nd Adelbert Laloo Memorial trophy.

Kane kala wan hadien ba kala pynliem da ka tie breaker da 5-3 ïaka Risingsun Mukhla haka jingiakhun quarterfinal kaba long ha Kiang Nangbah Stadium, Jowai haka sngi ba ar.

Haka jingiakhun katkum ka por bala buh ka jingiakhun kala kut da kaba iakhaid khlem don mano mano ba ioh pynkhih iaka jar. Ban pyniakhlad ia kine ki kynhun arliang mamla la rah iaka jingiakhun sha ka tie breaker ha kaba ka Shangpung Khliehmuchut kala ioh pynkhih jar 5 sien, katba ka Mukhla 3 sien kaba la biang pura iaka Shangpung Khliehmuchut ban rung sha ka semifinal.

Da kane ka namjop ka Shangpung Khliehmuchut kan aireng pyrshah iaka Mookyrdup haka 21 tarik Jymmang por 3 Pm, katba ka Maitchaphrang Mowtyrshiah kan aireng pyrshah iaka Madankynsaw Mowkyndeng haka semifinal ka ban long haka 20 tarik Jymmang por 3Pm.