Buh jaka sa ka Wapungskur SSWO haka wat kaba ar ka 3rd Div ka EJHDFA

Syllad | The Rising MeghalayaSeptember 27, 2024

Ka Wapungskur SSWO kala lah ban pynthikna ialade ban rung sha ka wat kaba ar ne ka Round 16 hadien ba kala khur namjop da 2-1 pyrshah iaka Dkhiah East SC haka jingialehkai 3rd Division kaba pyniaid da ka EJHDFA kaba long ha madan Diengshynrum haka 27 tarik Nailur.

Haba phai sha ka jingialehkai ka Dkhiah East kala ioh shuwa ban pynkhih iaka jar lyngba u Wan-o- Nongtdu (24), hynrei ka Wapungskur kala ioh ban pynphai bad pyntam kylla lyngba u Pynshemi Siangshai (34) bad Miesly Ryngkhlem (61). Da kane ka namjop ka Wapungskur kala buh jaka ialade haka round 16.

Shuwa kane, ka Umrasiang Utd SC kala jop da 3-0 iaka Pynurkba Christian SC. Ia kine ki lai kol ka Umrasiang Utd la thep da u Unsa ai biang Dkhar (4, 19) bad u Nishwa Muksor 68.

Haka jingialehkai kaba khatduh, ka Nongsning Youth SSC kala pynliem da 1-0 iaka Iapmala Wahshnong. Ia kane ka kol la thep da u Knermiki Siangshai (75).