Buh jingkylli ki shnong khappud ka mut aiu ban buh iaka ktem Pulit Meghalaya ha Tiehwieh haba kam lah ban pahara

Syllad | The Rising MeghalayaJune 24, 2021

Ki shnong ha khappud Assam Meghalaya kaba kynthup iaka Khatkasla bad ka Psiar kila buh jingkylli iaka sorkar Meghalaya ka mut aiu ban buh iaka ktem Pulit ha Tiehwieh haba kam lah ban ai bor pahara sha ki shnong Khatkasla, Psiar bad Mowluber.

Ia kane ka jingkylli la buh ki nongshong shnong khappud ka Khatkasla, Psiar haka dorkhat kaba la phah sha ka bor synshar District West Jaintia Hills haba pyrshah iaka jingwan shna ktem pulit ka Assam ne ka Border Police Outpost (BPO) ha Saba, ka shnong kaba don hajan ka Mukroh, West Jaintia Hills District.

Shuh shuh ha kane ka dorkhat kaba la soi da u Waheh Shnong Psiar bad Khatkasla kila kynnoh ba kine ki pulit kiba don ha Tiehwieh kim ioh iaka bor ban pahara iaki shnong khappud.

Yn leit ïakren hadpeng ka bor district West Jaintia Hills iaka West Karbi Anglong halor ka ktem pulit ha Saba

La ong ba ka jingthmu ban buh ia katei ka ktem Pulit ka sorkar ka Jylla dei ban ai jingshngain ia kitei ki shnong, hynrei kumba long kam don nongrim.

“Ka shnong Khatkasla, Psiar bad Mowluber ter ter shaduh Mowjem ngi dei ki nongshong shnong jong ka sorkar Meghalaya ba hap ha West Jaintia Hills District bad katkum ka Area jong ka Psiar ba la buh naduh mynshwa kumba 64.00 Square Km ka hap hapoh ka form part of Raliang Dolloiship bad ka Constituency No.4 and 5 of K&JHADC as per delimitation of 1951”, la ong u kitei ki nongïalam shnong haka dorkhat kaba la soi da u Waheh shnong Khatkasla u Damki Suchiang bad u Waheh Shnong Psiar u Menita Synnah.

Ka sorkar Assam kala plie paidbah iaka ktem Pulit ha Saba

Shuh shuh la ong ba ka Assam ka la buh ïa katei ka Police outpost khlem ka pyntip sha ki bor pynïaid shnong ne bor district, hynrei ka la shu wan ban shna don bor bad kila kyrpad iaka bor synshar district bad ka sorkar phah pyndam shi syndon ïa katei ka Border Police Output ka Assam ha Saba.

Buh ktem pulit ka Assam ha Saba, pynsangeh ka bor district West Jaintia Hills

Ha kajuh ka por kila kyrpad iaka bor synshar district ban ai bor ia katei ka ktem pulit jong ka Jylla ha Tihwieh ban pahara iaki shnong khappud khnang ban shongshngain ki nongshong shnong bad ban iada ia u pud u sam ka Jylla.