Buh jingma ki transformer, phah ker ka KSU

Syllad | The Rising MeghalayaNovember 12, 2020

Ka Khasi Student Union Priang Unit haka sngi Balang kala leit ia kynduh ia u Assistant Executive Engineer ka MECL Distribution Division Shangpung naka bynta ban dawa ker iaki Transformer haka shnong Priang, West Jaintia Hills.

Haka dorkhat ba la ai da ka KSU lyngba u president Brighstar Sohtun ula ong ba ka jingbymdon ka jingker (Fencing) iaki transformer hakatei ka Shnong ka buh jingma iaki briew khamtam iaki khynnah bad kumjuh iaki jingri.

“Ki transformer hapoh ka shnong ki long kiba bym shngain iaki khynnah bad ki jingri jingdup namar ba ym shym la ker ne don ki lad jingiada ban lait naka jingma jingmynsaw” la ong u President ka KSU Priang Unit.

Na kaliang u engineer ula kular ban shimkhia halor kane.