Buh kyndon ka shnong Diengshynrum iaki kyrtong bad paidbah

Syllad | The Rising MeghalayaFebruary 12, 2023

Ka dorbar shnong Diengshynrum ban pynlong iaka jingialap election kaba iaid beit iaid ryntih bad ban lait na ka jingkhapngiah bad ban pynlong iaka shnong kaba khuid kaba suba kaba lait na ka jaboh jabain haki jaka ialap elekshon kala buh da ki kyndon iaki kyrtong.

Ka Diengshynrum ka dei ka shnong kaba hap hapoh ka Khliehriat Constituency.

Ka dorbar shnong Diengshynrum kala rai ban shah tang hapoh 15 tylli ki kali rit ban wan sha ka madan ban pynlong iaka jingialap elekhon u/ka kyrtong ba iakhun iaka elekshon sha ka iing dorbar thawain ka Jylla.

Ym shah iaki trai shnong ban kren ne ialap elekshon hapoh shnong bad iaka jingialang yn pyniaid da u waheh shnong.

Ka shnong kala khang pyrshah ia baroh ki candidate ba kim bit shuh ban rung shapoh shnong naduh ka 20/02/2023.

Ka shnong kala mana pyrshah ruh iaki briew kiba wan sha ka jingialang ialap election ba kim bit ban dih kyiad, iakhlai, kren iaki kyntien sniew hapoh u pud u ang shnong lada lap yn pynshitom katkum ka ain pyniaid shnong.

Ka shnong ka kyrpad ia baroh kiba wan sha ka jingialang ban leh khuid bad ym bit ban bret pathar ia ki jaboh jabain, ki bitor, plastic bad kino kino ki tiar kiba pynjaboh iaka sawdong sawkun ka shnong.