Buh maw nongrim ka World Mission ban tei ïaka ïing ri khynnah ba ₹1 klur tam ha Moodop, Nartiang

Syllad | The Rising MeghalayaFebruary 24, 2020

Ka World Mission ka kynhun kaba trei ha Khasi Jaiñtia hapoh ka jingkhmih ka Balang Presbyterian kala buh ïa u mawnongrim ban sdang tei ïaka jaka ri khunswet kaba dei tang naka bynta ki kynthei haka sngi Nyngkong ha Moodop Nartiang, West Jaiñtia Hills District

Kane ka ïing kaban tei haka jinglut kaba ₹1 klur 80 lak, yn tei haka jaka kaba heh 10,000 sq.ft.

Ïa kane ka ïing tei shuwa tang ïa ki bynta ba shapoh bad la mang ban shna haduh 4 mala, ong u Bah JR Khongjee, executive secretary World Mission.

La wan ban buh mawnongrim ïa kane ka ïing da u U Senior Administrative Secretary jong ka KJP Assembly, u Rev. P Hynñiewta uba long kum u kongsan haka jingiadonlang u Bah Ransom Sutnga, Executive Engineer PWD Building uba long kum u symbud kongsan. U ne u Engineer ula shna ei ïaka plan bad ka estimate jong kane ka ïing.

Kane ka jaka ri khunswet ka World Mission kala sdang treikam naduh u Rymphang 2018 ha Moodop, Nartiang ha ryngkat ka jingïatreilang ka tnad ka World Mission Nartiang Unit haka ïingwai bad ka ri haduh 10 ngut ki khynnah. Kala ïoh ruh ka jingithuh na ka sorkar Jylla.

U MLA ka Nartiang uba dei u myntri ka tnad sorkar u ma Sniawbhalang Dhar ruh ula synniang jingïarap ban sdang shna ïa kane ka ïing ha ki bynta ba shapoh, kaba la mang ban pynlut ₹25 lak.

Ïa ka jingialang buh mawnongrim la pynïaid da u president ka World Mission u Rev. RS Mawlong haka jingiadonlang ki dkhot ka World Mission, ki tymmen basan ka Balang Presbyterian Moodop bad kiwei kiwei ha ryngkat ki khynnah kiba sah ha ka jaka ri khynnah ka World Mission.