Buh mawnongrim ban sdang tei noh ïaka Indoor hall ba T.1.55 klur ha Lummawbah

Syllad | The Rising MeghalayaSeptember 22, 2021

U Bah Banteidor Lyngdoh Myntri ka Tnad Sports ka Sorkar Jylla ula buh ïa u maw nongrim ban sdang tei ïaka Indoor Sports Hall cum Multi Utility Centre ba shongdor T.1.55 Klur kaba la bei pisa da ka Ministry of Tribal Affairs haka shnong Lummawbah, Upper Shillong hka sngi Balang.

Ha kane ka jingbuh mawnongrim la iadonlang u Hamletson Dohling, Myntri ka tnad Community and Rural Development bad kiwei kiwei.

U Bah Banteidor Lyngdoh haba kren kum u kongsan ula ong ba ka jingioh jong ka Lummawbah ia kane ka indoor hall cum multi utility centre kan long ka jingkyrkhu iaka shnong ka thaw bad iaki khun samla ba kin ioh ban kilan bad ban pyndonkam haka kam ialehkai. Ula ong ruh baka sorkar kala shim shibun ki sienjam ban pynbiang iaki jaka ialehkai kiba paka khnang ban kyntiew iaka kam ialehkai haka jylla.

U Bah Hamlet haba kren ula ong ba kane ka dei ka jingangnud kaba la slem bha jong ka shnong bad ynda la dep tei iaka kan ai ka jingmyntoi iaka shnong ka thaw bad ki khun samla kiba ialehkai ha ki jingialehkai bapher bapher.

Kiwei kiwei kiba iadonlang ha kane ka jingbuh mawnongrim ki kynthup ia u Chief Engineer ka State Sports Council Bah JNS Lakiang, u Bah Arju Dkhar, Secretary ka shnong Lummawbah bad BDO Mylliem Bah PT Passah