Buh mawnongrim u James Sangma iaka Shangpung CHC
U Myntri ka tnad ka Koit ka Khiah u James PK Sangma haka sngi Balang ula wan ban buh mawnongrim ia ka Shangpung Community Health Centre (CHC) haka jingiadonlang u MLA ka Raliang ma Comingone Ymbon.
Ia kane ka jingialang buh mawnongrim la pynlong ha ïing dorbar ka Shangpung Pohshnong ha kaba u DMHO West Jaintia Hills District u Dr. KC Ajar ula pyniaid iaka jingialang.
Nalor ki nongmihkhmat la iadonlang ruh u Deputy Commissioner bad Superintendent of Police ka District nalor kiwei kiwei ki doktor bad ki nongialam shnong ka Shangpung.
U James ula ong ba ka jingkyntiew kyrdan iaka PHC sha ka CHC kadei ka mawjam ba thymmai haka jingiaid lynti ban lah ha kaban ai ka jingshakhri kaba bha tam sha u paidbah ka thain haka liang ka koit ka khiah.
“Nga kular iaki nongshong shnong ba ngin trei shitom ban pynbiang bad ban pynbha iaki jaka sumar naduh ki PHC bad CHCs ban pynbiang iaka jingdawa u paidbah,” la ong u James.
La ioh jingkren ruh na u Ma Comingone Ymbon uba la ai khublei ia u Myntri ka tnad Koit ka Khiah uba la kyntiew kyrdan iaka PHC sha ka CHC.
Facebook
Instagram
Youtube
Twitter
Leave a Reply