Buh thong ka Sorkar ban tei ia ka Veterinary Hospital ba thymmai ha Upper Shillong

Syllad | The Rising MeghalayaMarch 22, 2025

U Myntri ka Tnad Animal Husbandry & Veterinary u Bah AL Hek haka 21 tarik Lber u la pyntip ba ka sorkar kan buh ia ka thong kaba hakhmat eh ban tei ia ka Veterinary Hospital ba thymmai ha Upper Shillong.

Haba kren sha ki lad pathai khubor, u Bah Hek u la ong ba ki la don ar laitylli ki jingtyrwa ba la phah sha ka Tnad Planning ha kaba iadei bad kane ka phang.

“Ka Tnad Planning ka la buh katto katne ki jingkylli bad ka Tnad Animal Husbandary ka pyndep ia baroh ki jingkylli hapoh kane ka dorbar mang tyngka kaba dang shu dep shen ha kaba la kdew shai ba ia ka Veterinary Hospital kaba thymmai yn tei ha Upper Shillong. Ia kane ka mat la kren ruh ha ka dorbar mang tyngka kumta ngi hap ban shim ia kane ka kam kum ka mat kaba hakhmat eh ” ong u Bah Hek.

Ha kaba iadei bad ka kam khaii masi beain, u Myntri u la ong ba u la iatyngkhuh ia ki ar laitylli ki jingjia ha Jaintia Hills bad East Khasi Hills ha kaba ki BSF ki la kurup noh ia kine ki masi beain bad aiti noh sha ki pulit.

Watla katta u la ong ba ki briew ki leh ia ka kam khaii bad kumno ngin khanglad ia ki.

“Hooid ngam len ne kyntait ia ka jingshisha, hynrei kata ka shong ha ki nongkhaii namar ki nongkhaii ki la leh ia kine kiei kiei baroh dei namar kata ka daw ba ki pulit bad ki BSF ki long kiba peitngor halor ka kam khaii masi beain,” ong u Bah Hek.