Buh thong ki samla ka shnong Chilliangraij Jowai ban ai snam sngewbha 2 sien shisnem

Syllad | The Rising MeghalayaAugust 22, 2022

Ka Dorbar shnong Chilliangraij ryngkat ka jingïatreilang ka Meghalaya Aids Control Society, National Health Mission kum ka dak ka jinglehkmen ïaka jingrakhe 75 snem ka jingïoh laitluid ka ri, ka la pynlong ïaka Awareness Cum Voluntary Blood Donation Camp ha Jowai Civil Hospital Blood Bank, Jowai haka sngi Saitjain, ka taiew kaba la dep.

10 ngut ki samla kynthup iaki ar ki kynthei kila ai sngewbha iaka snam sha ka Blood Bank Jowai.

U Oriland Shylla, General Secretary Chilliangraij ula ong ka thong ka long ban kyrshan mar kylliang bad ban pynim ïaki mynsiem ba kordor kiba dawa ban ïoh ïaka jingïarap na ka Dorbar shnong.

Shuh shuh ula ïathuh ba la buh thong ban pynlong ïaka Blood Donation Camp 2 sien shisnem kum ka dak ban pynsah kynmaw ïaka jinglong kyrpang ki sngi khraw ka Ri India kaba tip kum ka Republic Day bad  Independence Day.

Ka Dr. P Shylla, Medical & Health Officer In charge Blood Bank, Jowai Civil Hospital ka pynpaw ba ka dap da ka jingsngewnguh ïaka Dorbar shnong Chilliagraij kaba la pyni ïaka mynsiem ïatreilang na ki por sha ki por na bynta ban pynim ïaki mynsien ba kordor kiba dawa ban ïoh ka jingïarap lyngba ka Jowai Blood Bank.