Buh thong pynkylla dur ia ki ar tylli shnong ha East Jaintia Hills kum ki shnong ba lait naka jingbret ñiut
Ka bor synshar district jong ka East Jaintia Hills District, ka buh iaka thong ban pynkylla dur ia ki ar tylli ki shnong hapoh ka district kum ki shnong kiba lait naka jingshna iaki jaka bret ñiut ne landfill free villages.
Kine ki shnong kiba ka bor district kiba ka thong ba ki nongshong shnong kin lait na ka jingshna iaki jaka bret ñiut ki dei ka Moolamylliang bad ka Tuber Kmaishnong.
![](https://www.syllad.com/wp-content/uploads/2024/09/JIT-Vacancy-823x1024.avif)
Kine ki shnong ki dei kiba la iaid shakhmat halor ka jingpynkylla spah iaki ñiut nier da kaba pynkylla sboh.
Ka State Institute of Rural Development( SIRD), Meghalaya bad ka District SBM, East Jaintia Hills ban pynurlong ia kane ka jingthmu kala ai jinghikai halor ka Solid waste Management ha Tuberkmaishnong.
Kane ka jinghikai ka dei kaba la neh saw sngi lynter, kata naduh 21-24 tarik u Jymmang.
Ha kane ka jingai jinghikai pyntbit iaki nongshong shnong bad ki dkhot SHG ka Tuberkmaishnong la hikai bniah halor lai tylli ki mat ba kongsan ban pynkylla iaki ñiut ki ñier bad ki jaboh jabain sha ka spah.
![](https://www.syllad.com/wp-content/uploads/2023/05/vermi-composting-jpg.webp)
Kine ki mat ki dei ban pyniakhlad iaki ñiut na ka jaka ba pynmih ne hala ki iing ki sem, ki rukom pynlang bad pynkhuid ia ki ñiut ki ñier bad da kaba pyni kumno ban shna sboh wieh.
Ka Tuberkmaishnong ka dei kaba la shah jied kum kawei na ki shnong ba kynthup lang ia baroh ka rukom pynbiang ha kaba iadei bad ka Solid Waste Management kaba sdang da ka bor synshar district haka jinglam khmat u Deputy Commissioner, East Jaintia Hills.
U Deputy Commissioner, East Jaintia Hills U Abhilash Baranwal ula pynbna ba ha kine ki ar tylli ki shnong la pynbiang lut ia baroh ki jingdonkam kum ki tiar ki tar bad ki iing na ka bynta ban pyniakhlad bad thad iaki ñiut ki ñier bad bad ki jaboh jabain bad kumjuh ban shna iaka sboh. U don ka jingkyrmen ban pynkylla ia kine ki ar shnong sha ki shnong kiba lait na ka jingbret ñiut ne kita ki landfill free villages.
![](https://www.syllad.com/wp-content/uploads/2023/05/training-programme-on-waste-management-jpg.webp)
![](https://www.syllad.com/wp-content/uploads/2023/05/vermi-compost-jpg.webp)
Leave a Reply