Bun bun kynta sahkut block ha Phramer

Syllad | The Rising MeghalayaDecember 11, 2020

Ka jingdheng kali haka surok bah National Highway 6, naduh na ka shnong Phramer kala ktah jur bha naka jingbun ki trok kiba ieng ha surok.

Kane ka jingdheng kali kala sdang naduh hynnin ka miet bad kala nang pynban mynta ka sngi naduh ka por 8 baje mynstep hadien ba iatur ki kali rit ban ia leit ia wan.

Ka khubor pulit ka iathuh ba kiba bun ki trok naduh ki trok dewbilat, dewiong, clinker bad kiwei kiwei ka dei na ka daw ba ki sangeh sha ki thain Phramer ter ter bad kane kala wanrah iaka jingsahkut kali namar ka jingpyrkhing iaka rukom iaid ki trok na sor Shillong ban kam iaka jingkieng Umiam.

Kumban shu pynkynmaw ba namar ka jingsynjor ka jingkieng Dwar Ksuid lyngba ka surok Shillong Bypass la pyniaid iaki trok na sor Shilong, hynrei ka don pat ka jingpyrkhing ha ka rukom kit mar ba ym bit ban kit palat iaka 40 MT namar bala rim ka jingkieng Umiam. Ka bor synshar district kala pynjari da ka kyndon aiñ Section 144 jong ka CrPC ban khang pyrshah iaka jingkit mar haka jingkhia kaba palat iaka 40 MT.

Kane kala ktah jur iaka iaid ka ieng ki trok khamtam ki trok kit dewbilat, clinker dewiong bad kiwei kiwei ki trok kit mar kiba Assam, Manipur, Mizoram bad Tripura.