Bun ki kynthei na ki nongthep vote ha West Jaintia Hills

Syllad | The Rising MeghalayaJanuary 5, 2023

U District Election Officer, Bah BS Sohliya ula pyllait paidbah iaka thup electoral roll kaba pura (Final Electoral Roll) jong ki 5 tylli ki constituency kiba hap hapoh ka West Jaintia Hills District haka sngi Palei.

Kane ka thup electoral roll ka dei na ka bynta ki 5 tylli ki constituency bad ka jingdon jong kii nongthep vote baroh kalong 200602 ngut ki nongthep vote. Na kine nongthep vote 97102 ki dei ki shynrang bad 103500 ki kynthei.

Kine ki 5 tylli ki constituency, Ka 1- Nartiang (ST) kaba ki nongthep baroh ki don 44337 ngut. Na kine ki 21821 ki shynrang bad 22516 ki kynthei.

Na 2- Jowai (ST) ki nongthep vote ki don haduh 40208 ngut kynthup 18954 ki shynrang bad 21254 ki kynthei.

Na 3- Raliang (ST) baroh ki nongthep vote ki don 38804 ngut, 18490 ki dei ki shynrang bad 20314 ki kynthei.

Na 4- Mowkaiaw (ST) ki nongthep vote ki don 38563 ngut, 19007 ki shynrang bad 19556 ki kynthei.

Na 7- Amlarem (ST) ki nongthep vote ki don 38690 ngut, 18830 ngut ki dei ki shynrang bad 19860 ki kynthei.

Shuwa ban sam iaki electoral roll kaba pura kaba ka jingot snem ne ka qualifying kalong 1.1.2023 sha ki sain hima sima sha ki saw tylli ki constituency- ka 1-Nartiang, 2- Jowai, 3- Raliang bad 4- Mowkaiaw la don ka jingialang kaba lyngkot kaba iadonlang ki Additional Deputy Commissioner ka district kiba kynthup ia u PK Boro, u MA Challam, Kong D.D Syngai, Kong B.Blah bad u Extra Assistant Commissioner WK Kharbuli.

U Bah B.S Sohliya, District Election Officer ula khot wer ia baroh ki seng sain hima sima ban iatreilang ban pynlong iaka elekshon kaba wan kaba khuid kaba suba.

U Additional Deputy Commissioner Ma MA Challam ula ai jingkren halor ka Model Code of Conduct. Ula iathuh ba ka Model Code of Conduct kan treikam mar sien pynbna ka Election Commission of India iaka tarik bad kan kut tad haduh bala dep ka elekshon.

Hadien kane la iakren halor ka elekshon MLA 2023.