Bym ioh tulop rai sangeh treikam biang ki nongtrei JHADC khlem buh por

Syllad | The Rising MeghalayaJuly 15, 2020

Ki nongtrei jong ka Jaintia Hills Autonomous District Council (JHADC) haka sngi Balang kila rai ban sangeh treikam khlem buh por hadien ba ka Executive Committee ha JHADC kaba ialam u ma Thombor Shiwat kum Chief Executive Member kam lah ban siew iaka tulop jong ki mynta ka 7 bnai lynter naduh u bnai Nohprah 2019.

“Ngi la rai ban sdang iaka jingiakhih naduh lashai ka sngi 16 tarik u Naitung tad haduh bala ioh iaka tulop kaba ngi dei hok ban ioh,” ong u Johnson Pohrmen President jong ka Jaintia Hills Autonomous District Council Staff Association (JHADCSA).

“U CEM u kut tang haka jingkular ba un pyrshang un pyrshang ban ai tulop, katba haduh mynta ngim pat ioh satia iaka tulop haduh 7 bnai kaba la buh jingeh ia ngi ban pyndap iaka jingdonkam ha iing ha sem nalor ban siew iaki bai skul jong ki khun ki kti jong ngi.

Duna 100 klur ka khajna ka JHADC ka dang ap na ka sorkar MDA

Ngim don jingshaniah shuh ia kane ka EC namar ba ka shu khlei tang iaka juban lak kumba kan ai noh iaka tulop jong ngi haba ka khot iakren ia ngi, katba ka kam pat da kumwei,” ong shuh shuh u ma Johnson bad ula bynrap ruh ba u CEM ha u bnai Rymphang ula kren kob ba lada um lah ban pynioh iaka tulop jong ki nongtrei ka konsil dalade un hiar na ka shuki CEM.

Ula ong ruh ba executive committee kaba ialam u ma Thombor Shiwat marsien bna ba kin iakhih noh lashai ka sngi ula pyllait shibnai ka tulop mynta ka sngi.

Sangeh iakhih ki nongtrei ban ailad ïaka EC JHADC ban leit pan ïaka bhah T.97 klur

Kumban shu pynkynmaw ba ha u bnai Jymmang 13 tarik, u CEM ma Thombor Shiwat bad u Deputy CEM Lasky Rymbai haka jingialang bad u Chief Minister Conrad K Sangma, uba bat iaka tnad Finance bad Mining & Geology kila kyrpad ia u ban pyllait iaka bhah naduh u snem 2008-2019 kaba la kot haduh 94.40.

Kila byrthen ruh ban ujor sha ka iing bishar ba kan tuklar lada ka sorkar kam pyllait iaka bhah jong ka konsil, hynrei kane ka kam kala shu kut tang haka ktien.