Bynñiaw bun tylli ki shnong ha rilum Jaintia bym ioh peit Euro Cup

Syllad | The Rising MeghalayaJuly 5, 2021

Ka football ka dei ka Syiem jong ki jingialehkai ha Jylla Meghalaya, hynrei kiba bun ki shnong kila pynpaw ka jingsngewsih ba kim ioh peit da kaba dei rukom iaka Euro Cup 2020 namar ba lip khah khah ka bording haka thain Nartiang.

Kine ki shnong kiba lip ka bording khah khah ki kynthup iaka Mynsngat, Namdong, Khanduli nalor kiwei kiwei ki shnong.

U Juhhi Tariang, u nongshong shnong ka Namdong ula ong ba bun ki nongshong shnong ka thain kila pynpaw ka jingbynñiaw kaba khraw namar haka por ba dang muja bha ka jingpeit football Euro Cup la pynlip iaka light.

“Kane ka rukom pynlip bording kalong kumba leh khnang bad haka por mynsngi ka bording ka biang bad kam don jingthud, hynrei mar sien dum ka bording kala lip khah khah kaba la pynthud ia baroh ki kam,” la ong u Juhhi Tariang bad bynrap ba haba lip ka bording ka wanrah ruh iaka jingpynthud iaka signal phone bad kim ioh ka lad ban peit wat tang na ka mobile.